Светот во последните недели бележи пораст на заразени од коронавирус, при што сѐ повеќе присутна е омикрон-варијантата, која бргу се шири. Во Македонија вчера беа детектирани девет случаи на омикрон, од кои 8 од Скопје и едно лице од Кочани.
Од Министерството за здравство информираат дека во моментот бројот на активни случаи изнесува 5.667 лица. Најмногу заразени има во Скопје (3.135) по што следуваатт Битола до 419 случаи и Прилеп со 346 заразени. Над 200 заразени во моментот има во Охрид и Кавадарци, а стотина во Куманово, Велес, Струмица и во Гевгелија.
Досега во земјата се направени вкупно 1.619.276 тестирања на Ковид-19. Вкупната бројка на ковид-дијагностицирани лица во Македонија од почетокот на епидемијата изнесува 227.168, бројот на оздравени пациенти е 213.505, на починати е 7.996.
