Тинејџерка за која се верува дека е вонбрачна ќерка на рускиот претседател Владимир Путин, наводно исчезнала откако на социјалните мрежи го покажала пентхаусот на мајка си во Монако вреден 3,1 милиони фунти.
Елизавета Луиза Кривоногих е ќерка на 46-годишната Светлана, поранешна чистачка за која се верува дека била љубовница на Путин на почетокот на 2000-тите и дека станала мултимилионер по аферата со него.
18-годишната девојка беше официјално поврзана со имотот во обелоденетите документи како дел од проектот „Пандорините документи“ на почетокот од оваа година, а тоа го потврди со објавување фотографии од пентхаусот на Инстаграм, каде има 83.200 следбеници.
Но, сега се зборува дека таа „исчезнала“, бидејќи повеќе од два месеци не објавила ништо на популарната социјална мрежа.
Извори на британски „Сан“ веруваат дека Путин „конечно“ го изгубил трпението со неа откако го налутил нејзиното објавување слики од луксузен стан во Монте Карло.
Документите на Пандора, кои содржеа повеќе од 1,9 милиони чувствителни документи, покажаа дека Светлана се преселила во пентхаус во Монте Карло веднаш по раѓањето на Луиз, што ги засили теориите на заговор дека таа е ќерка на руски лидер.
На својот Инстаграм профил наречен luziaroz_, Луиза сподели сцени од нејзиниот луксузен живот и љубовта кон скапите патувања, накитот и облеката.
Нејзината последна објава на интернет е објавена на 1 октомври, а на неа се гледа дел од нејзиниот кревет, стапалото и Apple MacBook Pro како лежат до неа.
Загрижените следбеници забележале дека нема нови објави, а еден коментирал. „Сосема го напуштивте Инстаграм поради некоја причина… Ве молиме вратете ја Луиз.“ Друг прашал: „Тато забрани да објавува детали за луксузниот живот?
Путин никогаш не ги коментираше наводите за вонбрачната ќерка или за аферата со Светлана, освен кога во една прилика налутено искара новинар кој го праша за тоа.
– Имам приватен живот во кој не дозволувам мешање. Тоа мора да се почитува – рече тогаш.
