15.8 C
Скопје
29. март 2024
Centar.mk – Вести, бизнис, забава, спорт…
СВЕТ

Уапсен пар што побегнал од карантин од хотел во Холандија

Холандската полиција соопшти дека на аеродромот во Амстердам е уапсен пар што побегнал од хотел во Амстердам, а во кој патниците што пристигнале од Јужна Африка позитивни на Ковид-19 биле ставени во карантин.

Портпаролот на полицијата изјавил дека двете лица биле уапсени во авион што се подготвувал да полета за Шпанија.

30-годишниот Шпанец и 28-годишната Португалка им се предадени на здравствените власти, додаваат полициските служби.

Против двајцата бегалци ќе биде поднесена тужба за нарушување на јавната безбедност, соопштија од таму.

Портпаролот на холандската здравствена администрација изјави дека парот е повторно во изолација, но не во истиот хотел. Едниот од нив е позитивен, а другиот негативен на новиот сој на коронавирусот, но е во карантин.

Неколку часа претходно, холандскиот министер за здравство, Хуго де Јонге, рече дека холандските власти ќе се погрижат патниците да бидат ставени во карантин.

Патниците позитивни на тестот на Ковид-19 се речиси сите во ист хотел, а властите дозволија само мал број да бидат ставени во карантин во своите домови.

Полицијата го обезбедува хотелот во кој се изолирани патниците.

Спонзорирано: