Centar.mk – Вести, бизнис, забава, спорт…
Свет

Германија ќе има министерка за надворешни работи, прва жена на таа функција

Потпретседателката на германските зелени, Аналена Баербок, ќе стане нова министерка за надворешни работи и прва жена на оваа функција, објави нејзината партија.

40-годишната Баербок ќе ја преземе функцијата на почетокот на декември како дел од владината коалиција формирана во средата со социјалдемократите и либералите.

Зелените исто така објавија дека нивниот втор потпретседател, Роберт Хабек, ќе раководи со супер министерство, кое ги комбинира климата и економијата.

Аналена Баербок ќе го замени социјалдемократот Хајко Мас во Министерството за надворешни работи. Покрај тоа што е првата жена, таа е и најмладата личност на таа позиција во германската историја.

За време на предизборната кампања, Баербок вети дека ќе ја оживее германската дипломатија, особено со поостар тон кон Русија и Кина.

На Европската Унија ѝ треба силна, отворена, но активна германска надворешна политика, рече таа во мај.

Противничката на гасоводот „Северен тек 2“, кој треба да овозможи транспорт на руски гас, и адвокатка, која е специјализирана за меѓународно право, вели дека понаков пристап кон авторитарните режими е од клучна важност за идната влада, за безбедноста и за вредностите.

Можеби ќе ве интересира

Историски момент – Првата жена судија во Врховниот суд на Пакистан

M T

Германија останува стратешки партнер за нашите европски интеграции

M T

На улиците во Германија поставен нов сообраќаен знак

M T

Бисера Костадиновска – Стојчевска ја презеде функцијата министерка за култура од Ирена Стефоска

M T

Тешко повредена жена од Скопје откако била удрена од патничко возило

M T

Германија му продаде на Египет оружје вредно повеќе од четири милијарди евра

M T