Centar.mk – Вести, бизнис, забава, спорт…
Свет ТОП ВЕСТИ

Седум мигранти во Грција загинаа кога возило удри во наплатна рампа

Грчките власти соопштија дека седуммина мигранти загинале, а осум се повредени, откако возач на возилото со кое патувале изгубил контрола и удрил во патарината на автопатот во северна Грција.

Грчката полиција соопшти дека возилото со 15 лица се движело по автопатот од североисточната граница на Грција со Турција кон Солун, кога нешто по полноќ се случила несреќа, пренесуваат агенциите.

Возилото се движело со голема брзина, а возачот изгубил контрола додека се обидувал да излезе од автопатот, удрил во рампата за патарина, а потоа удрил во блискиот контејнер, соопшти полицијата.

Повредени се четворица мажи од Пакистан, еден од Авганистан и двајца од Непал, како и 35-годишен молдавски возач.

Тие се пренесени во болниците во градовите Ксанти и Комотини, во североисточна Грција.

Една жена е меѓу седумте загинати во несреќата, а националноста на загинатите не е веднаш позната, соопштија властите.

Можеби ќе ве интересира

Во Грција 9 од 10 заболени од ковид се заразени со омикрон

M T

50.126 новозаразени од Ковид-19 во Грција

M T

Грција воведува нови мерки – се намалува работно време на рестораните и клубовите

M T

Нови правила во Грција: Без бустер-дозата, потврдата за вакцинација ќе важи седум месеци

M T

Три земјотреси во Грција за 16 часа

M T

Приведени две лица за криумчарење мигранти

M T