Изјавата на белорускиот претседател Александар Лукашенко, дека ќе го блокира транзитот на гас за Европа, не е одобрена од Москва, соопшти портпаролот на Кремљ, Дмитриј Песков.
„ Не, неговата изјава не беше координирана со нас. Станува збор за нашиот сојузник, Белорусија е суверена држава“, изјави Песков и додаде дека Русија ќе остане сигурен снабдувач на енергија на Европа, без оглед на акциите на Белорусија.
„ Русија отсекогаш била и потенцијално ќе остане земја која гарантира енергетска стабилност на европскиот континент. Без разлика на акцијата на белоруската страна, Москва сигурно ќе и гарантира на Европа енергетска безбедност“, додаде портпаролот на Кремљ.
Спонзорирано: