Centar.mk – Вести, бизнис, забава, спорт…
фото Pixabay
Коронавирус Свет

Третата доза на „Фајзер“ значително ја зголемува заштитата кај оние над 60 години, покажа израелска студија

Третата доза на вакцината на „Фајзер“ против Ковид-19, значително го зголемува заштитниот ефект кај луѓето постари од 60 години, покажа најновата студија на израелските научници.

Меѓу постарите лица кои примиле две дози од вакцината, инфекцијата се развила 10 пати почесто, а 20 пати повеќе луѓе вакцинирани со двете дози развиле потешка форма на инфекција отколку кај оние кои ја примиле третата, засилувачка доза, објавија израелски научници.

Сите вакцинирани со две дози од вакцината на „Фајзер“ во Израел сега имаат можност да добијат трета доза најрано пет месеци по примањето на втората доза.

Имено, и покрај високата покриеност со вакцини, земјата во моментов се бори со третиот бран на коронавирус.

Израелските истражувачи шпекулираат дека ова се должи многу повеќе на заразниот делта-сој на коронавирус и падот на нивото на заштита од вакцината шест месеци по добивањето на втората доза. Според научниците, ефективноста на вакцината е намалена на 50 проценти.

Карстен Ватцл, генерален секретар на Германското друштво за имунологија, изјави оти веќе е познато дека нивото на антитела е околу 10 пати повисоко по третата доза на вакцината отколку по само две дози.

Но, студијата во исто време сугерира дека заштитниот ефект на двете дози е се уште многу поголем кај поединци кои воопшто не бил вакциниран против Ковид-19.

Ватцл истакна дека како дел од студијата, научниците не ја проучувале можноста од несакани ефекти. Но, засега нема извештаи од Израел дека третата доза резултира со позначајни несакани ефекти од втората.

Во исто време, Ватцл истакнува дека не препорачува трета доза за помладите луѓе, туку за сите постари од 80 години и за оние над 60 години кои веќе страдаат од некои хронични заболувања.

Можеби ќе ве интересира

„Фајзер“ тужи вработена поради украдени податоци за вакцината против коронавирус

M T

„Фајзер“: Вакцината дава силен имунолошки одговор кај децата на возраст од 12 до 15 години

M T

Дали треба да се испитуваат антитела пред третата доза?

M T