Од следниот месец сертификатот за вакцинација ќе важи само со две дози, најави министерот за здравство, Венко Филипче.
Тоа значи дека само со целосна вакцинација на граѓаните ќе им биде дозволен влез во рестораните, кафулињата и трговските центри, како и за присуство на спортски и културни собири.
Министерот Филипче нагласи дека потребата од дополнителни мерки ќе зависи од состојбата со бројот на новите случаи на Ковид-19.
Како што рече, вирусот најмногу се шири меѓу невакцинираните, односно над 90 отсто од смртните случаи немале примено вакцина, а помеѓу новозаразените 79 проценти не се вакцинирани.
Спонзорирано:
