Centar.mk – Вести, бизнис, забава, спорт…
Свет

Вашингтон загрижен за новата талибанска влада составена од само мажи

САД се загрижени откако Талибанците го објавија составот на новата влада на Авганистан, која се состои само од мажи, меѓу кои има луѓе поврзани со нападите врз американските сили, пренесуваат медиумите во светот.

Стејт департментот соопшти дека врши проценка на вчерашната објава.

Привремениот кабинет е предводен од Мула Мохамад Хасан Акунд, кој се наоѓа на црната листа на ОН, а во владата е вклучен и Сираџудин Хакани, по кого трага американското Федерално биро за истраги.

„Забележуваме дека објавената листа на имиња се состои само од поединци кои се членови на Талибанците или нивни блиски соработници и дека нема жени. Загрижени сме и за припадноста и минатото на некои поединци “, изјавија од Стејт департментот.

Во соопштението се додава дека Америка „ќе им суди на Талибанците врз основа на нивните постапки, а не на нивните зборови“.

Талибанската влада, која го прогласи Авганистан за „Исламски емират“, се соочува со предизвици во оваа земја опустошена од војната, вклучително и стабилизирање на нејзината економија и добивање меѓународно признание.

Можеби ќе ве интересира

Американската војска успешно тестираше ново хиперсонично оружје кое лета пет пати побрзо од звукот

M T

Вашингтон испрати барање до Грција да распореди авиони на Крит

M T

Конгресот потврди: САД и’ даваат на Украина 40 милијарди долари

M T

Бугарија ќе добива гас од САД по пониска цена откако Русија ја прекина испораката

M T

САД купуваат 60 милиони барели нафта за резерви за прв пат по 20 години

M T

САД нудат безбедносни гаранции на Шведска и Финска при евентуално членство во НАТО

M T