Centar.mk – Вести, бизнис, забава, спорт…
Свет

Талибанците сакаат да воспостават дипломатски односи со Германија

Талибанците сакаат да воспостават дипломатски односи со Германија, изјави портпаролот на исламистичкото движење Забиула Муџахид за весникот „Велт ам Зонтаг”.

Талибанците исто така би сакале да добијат финансиска поддршка и хуманитарна помош од Германија, како и други земји, за да соработуваат во здравството, земјоделството и образованието.

„Во минатото, Германците секогаш биле добредојдени во Авганистан. За жал, тогаш им се придружија на Американците, но сега им е простено“, рече портпаролот.

Германскиот министер за надворешни работи, Хајко Мас, изјави дека Берлин може да ја продолжи помошта за развој за Авганистан, но еден услов е Талибанците да формираат широка влада. Другите се дека треба да обезбедат да не ги засолнат терористите, да ги почитуваат човековите права, а особено женските права, да не го попречуваат пристапот до хуманитарна помош и да дозволат странци и ранливи Авганистанци да ја напуштат земјата.

Можеби ќе ве интересира

Германија ќе има министерка за надворешни работи, прва жена на таа функција

M T

Мигранти го демолираа прифатниот центар во Полска – Бараат префрлање во Германија

M T

Германија го надмина бројот на 100.000 смртни случаи од Ковид

M T