Рускиот институт Гамилеја одобри употреба на 550.000 вакцини Спутник V, кои беа произведени во Торлак, до 13 август.
Министерот за иновации и технолошки развој Ненад Поповиќ рече дека Институтот Гамалеја синоќа одобри употреба на вакцини од Торлак, кои, како што вели, се со ист квалитет како и вакцините произведени во Русија.
Тој објасни за РТС дека 18 параметри биле контролирани според највисоките светски стандарди и сите покажале одличен резултат, додавајќи дека 960 примероци биле контролирани според сите светски стандарди.
Поповиќ додаде дека вакцините се подготвени за употреба.
– Имаме 550.000 вакцини – 275.000 вакцини од компонента 1 и 275.000 вакцини од компонента 2, подготвени за употреба овде во Србија, со ознака произведено во Србија – рече Поповиќ.
Кога ќе дојде до извоз, тој вели дека одлуката за тоа ќе ја донесат Владата на Србија и претседателот Александар Вучиќ.
– Треба да се координираме со руските партнери, да добиеме одобрение за извоз од нив, за да не извезуваме на истите пазари. Но, сигурен сум дека за РС, Црна Гора, Северна Македонија, БиХ, за нашите соседи, овие вакцини сигурно ќе ги има во доволни количини – рече Поповиќ.
