Тоа е потенцијална варијанта наречена PANGO C.1.2, која мутирала од сите веќе познати варијанти.
Овој вид за првпат беше идентификуван во мај 2021 година и еволуираше од C.1, една од мутациите што доминираше во првиот бран на инфекција со САРС-КоВ-2 во Јужна Африка, и последен пат беше откриена во јануари 2021 година. Оттогаш е откриен C.1.2 во повеќето провинции во Јужна Африка и во седум други земји во Африка, Европа, Азија и Океанија.
Новиот сој на коронавирус – C.1.2 е пронајден во Јужна Африка и неколку други земји и е загрижувачки затоа што може да биде позаразен од другите и отпорен на вакцини, според новата студија на Јужноафриканскиот институт за инфективни болести. Истражувањето се уште чека целосен преглед.
Студијата откри постојан пораст на бројот на геноми C.1.2 во Јужна Африка на месечно ниво, што се зголеми од 0,2% од геномот во мај на 1,6% во јуни и потоа на 2% во јули, слично на зголемувањето со постојните бета и делта соеви.
Научниците додаваат дека се потребни дополнителни анализи за да се разбере точното влијание на мутациите и да се утврди дали новиот сој има „конкурентска предност“ во однос на делта сојот.