Centar.mk – Вести, бизнис, забава, спорт…
Свет

Трамп за Бајден: Зборува како опасно момче, а тој не е тоа, не направи ништо

Доналд Трамп, поранешниот претседател на САД, изјави дека нападите во Авганистан немаше да се случат доколку тој беше претседател.
Во изјава за „Фокс њуз“, Трамп зборуваше за 13 припадници на американската армија, кои беа убиени во Кабул во нападите на како што ги нарече „дивјаци и варвари“.

За потсетување, Исламската држава ја презеде одговорноста за вчерашниот смртоносен напад пред аеродромот во Кабул, во кој беа сместени најмалку 90 Авганистанци.

„Овие благородни американски воини ги дадоа своите животи додека беа на должност. Тие се жртвуваа за земјата што ја сакаат, се тркаа со времето за да ги спасат своите сограѓани од опасност. Тие загинаа како американски херои, а нашата нација секогаш ќе го чува споменот за нив“, изјави Трамп.

Поранешниот претседател на САД, исто така, изрази сочувство до семејствата на загинатите припадници на армијата.

„Денес, сите Американци тагуваат со вас“, порача тој.

Тој им се обрати и на ветераните од дваесетгодишната војна во Авганистан.

„Знаеме што направивте, колку бевте храбри и ви благодариме, ве поздравуваме и ќе ве почитуваме за сите времиња“, кажа Трамп.

Тој ја критикуваше администрацијата на Бајден за соработка со Талибанците во обид да обезбеди повлекување на илјадници американски државјани и Авганистанци кои им помогнаа на силите на НАТО предводени од САД кои ги соборија Талибанците во 2001 година.

„Талибанците се непријатели“, рече поранешниот претседател и посочи дека имал работа со талибанскиот водач.

„Ова е личност која се бори против нас долги години, а ние сега ги користиме за да не заштитат? Погледнете што се случи со нивната заштита, 100 луѓе – многу повеќе, велат тие, беа убиени, а 13 припадници на нашата неверојатна армија беа убиени, и тоа е само почеток. Имавме многу време. Ние ги имавме Талибанците под целосна контрола. Имавме авиони, имавме воздухопловни сили, тие немаа ништо. Немаше причина да се избрзува. Ми требаа две, три години да ги повлечам американските сили. Сакавме брзо да ги извлечеме, но не брзавме. Ние контролиравме се, а тие се плашеа. Талибанците не би направиле ништо без мое одобрување“, продолжи Трамп.

Поранешниот американски претседател се пожали дека по евакуацијата по наредба на Бајден, Талибанците ја виделе слабоста.

„Тој не направи ништо, а потоа тие ја презедоа власта. Ја уништивме сликата за нашата земја и нашите неверојатни воини. Тие се неверојатни, но им треба цврсто водство што го немаат. Бајден зборува како опасно момче, а тој не е тоа. Тој е токму спротивното и светот го знае тоа“, рече Трамп.

Можеби ќе ве интересира

Москва одговори на заканите на Бајден: Санкциите повеќе ќе ја погодат Америка отколку Русија

M T

Бајден ѝ се закани на Русија – Ако Путин оди во Украина, тоа ќе има големи последици

M T

Бајден на годишнината од настаните во Капитол: „Трамп претставува континуирана закана за американската демократија“

M T

Бајден со порака до Украина: САД ќе одговорат решително доколку Русија одлучи да нападне

M T

Бајден и Путин денеска разговараат телефонски – Главна тема е руската армија на границата со Украина

M T

Путин со новогодишна порака до Бајден: Русија и САД се одговорни за меѓународната стабилност

M T