Centar.mk – Вести, бизнис, забава, спорт…
Свет

Меркел на состанок со Путин на годишнината од нападот врз Навални

Германската канцеларка Ангела Меркел денеска се среќава со рускиот претседател Владимир Путин во Кремљ, точно една година откако критичарот на Путин, Алексеј Навални, беше нападнат со отровот „новичок“.

Навални (45) е во затвор и го смета Путин за одговорен за она што го нарекува обид за атентат на 20 август 2020 година.

Германија бара од Русија да го испита нападот со хемискиот отров.

Москва го обвинува Западот за клевета и бара докази дека Навални бил отруен со „новичок“.

Навални беше уапсен во Москва на 17 јануари по враќањето од Германија, каде што беше на лекување, каде што се сретна и со Меркел.

Тој сега издржува казна во затворски логор, бидејќи, според пресудата, ги прекршил барањата за пријавување во Русија за време на неговиот престој во Германија. Меркел постојано бараше да биде ослободен.

Неговиот случај е само едно во низата прашања што во голема мера влијаат врз односите меѓу двете земји.

ЕУ воведе санкции против Русија поради нападот врз Навални, кој предизвика меѓународна осуда, како и поради хакерскиот напад врз германскиот парламент во 2015 година и поради конфликтот во Украина.

Меркел и Путин ќе разговараат и за контроверзниот гасовод „Северен тек 2“, кој треба да биде завршен овој месец. Покрај тоа, најверојатно ќе се разговара за Авганистан и Белорусија.

Меркел последен пат беше во Москва во јануари 2020 година.

Можеби ќе ве интересира

Средба со шефицата на Мисијата на ММФ: Повисоката инфлација најмногу ги одразува глобалните притисоци, за кои се очекува да се намалат во 2022 година

M T

Османи и Мортон ќе го одржат првиот состанок на Советот за партнерство, трговија и соработка

M T

Во Црна Гора уапсен руски милијардер, поранешен соработник на Путин

M T