Centar.mk – Вести, бизнис, забава, спорт…
Свет

Шефот на рускиот Совет за безбедност: Америка го претвори Авганистан во глобална лабораторија за дрога

фото Pixabay

Во изминатите 20 години, САД го претворија Авганистан во лабораторија за дрога на глобално ниво, а производството на дрога во таа земја се зголеми за 40 пати во тој период, изјави за руските медиуми шефот на Рускиот совет за безбедност, Николај Патрушев.

Сегашната ситуација во Авганистан делумно се должи на неспособноста на западните разузнавачки служби и другите делови на НАТО, рече Патрушев.

„Убедувањето на военото и политичкото раководство на САД и нивните сојузници дека целосно ја контролираат ситуацијата во Авганистан доведе до апсолутно незнаење и лоша проценка на реалната состојба во таа земја“, изјави тој.

Патрушев оцени дека се направени слични пропусти кога станува збор и за други земји на Блискиот Исток, како што се Сирија, Ирак и Либија.

Шефот на Советот за безбедност на Русија, исто така, оценува дека сега обичните граѓани на Авганистан се принудени да ги платат сметките за грешките направени од Вашингтон.

„Ова е уште еден пример за вербата на Англосаксонците во исправноста на донесување одлуки, обвинувајќи ги сите други за грешките. Тоа е токму она што Америка го прави сега. Тие ја обвинуваат поранешната авганистанска влада за неспособност, иако самите ја назначиле, а зборуваат и за недоволната подготовка на авганистанската војска, иако самите ја обучувале“, нагласи тој.

Патрушев додаде дека Американците и Европејците сега ги евакуираат своите луѓе и војска од Авганистан, и ги оставаат на цедило сите оние Авганистанци кои соработувале со нив.

„Време е европските застапници за човекови права да се запрашаат како сето ова сега се вклопува во тие познати западни вредности“, заклучи тој.

Можеби ќе ве интересира

Бајден: Ако Кина нападне, САД ќе го заштитат Тајван

M T

САД фрлаат вакцини додека некои во светот уште ги чекаат првите дози

M T

САД на Анкара ѝ дале нова понуда за продажба на воени авиони наместо Ф-35

M T