20.8 C
Скопје
28. март 2024
Centar.mk – Вести, бизнис, забава, спорт…
КОРОНАВИРУСМАКЕДОНИЈАИЗБОР

Шахпаска: Бројот на вакцинирани вработени во скопските градинки порасна на 65 проценти, апелирам и другите да се имунизираат

Бројот на вакцинирани вработени во скопските детски градинки е поголем и тој сега изнесува 65 проценти. Оваа информација ја добивме од Министерството за здравство, рече министерката за труд и социјална политика Јагода Шахпаска, по состанокот со директорите на градинките на територија на Град Скопје.

Оваа средба со директорите на градинките се организира во пресрет на септември кога се очекува зголемен обем на присуство на децата во градинките.

-Упатувам апел до вработените во градинките кои што досега не успеале од различни причини да се имунизираат, да пристапат кон процесот на вакцинација. Нивната одговорност е особено значајна, бидејќи тие пред сè со личната заштита се грижат за сопственото здравје, а со тоа придонесуваат за зачувување на јавното, општото здравје. Со доследното почитување на препораките на здравствените власти во градинките придонсесуваме и за здравјето на децата. ​
Министерката Шахпаска на средбата со директорите посочи дека вработените во градинките треба доследно да го спроведуваат Протоколот за работа во услови на Ковид – 19, бидејќи само така може да го заштитиме здравјето на нашите најмили и здравјето на вработените во градинките.

Исто како и во претходниот период кога вработените покажаа високо ниво на свест и со својата одговорна работа не дозволија интерна трансмисија на вирусот, од МТСП очекуваат и овој пат вработените во детските градинки да одговорат на своите работни задачи.

Министерката посочи дека наскоро ќе одржи состанок преку апликацијата Зум и со другите директори од детските градинки низ државата.

Спонзорирано:

Можеби ќе ве интересира

МТСП: Градинките ќе продолжат со згрижувачката дејност и во време на штрајк

M T

ИЈЗ: Заклучно со 28.02.2022, вакцинирани се вкупно 870.405 лица

M T

Германски виролог предупредува: Време е само вакцинираните да имаат целосна слобода

M T

МЗ: 69% од новите случаи и 80% од починатите, со Ковид 19 се невакцинирани

M T

Новогодишна ноќ на „Тајмс Сквер“ само за вакцинираните

M T

Шахпаска: Предложените измени на менито во градинките се клучни за правилен детски развој

M T