Полицијата објави снимка од возач кој поради своето возење ќе помине долго време во затвор.
Шокантното видео го прикажува моментот кога возачот на камионот Дерек Холанд предизвика сообраќајна несреќа поради негова негрижа. Полицијата во Сасекс објави видео на кое се гледа како возачот на камион пишува на екранот на мобилниот телефон додека вози. Бидејќи неговиот мобилен телефон го одвлекува вниманието и тој не гледа во патот, камионот на крајот удри во комбето. Во сообраќајната несреќа повредени се три лица.
Сепак, она што изненадува е дека возачот речиси постојано ги кршеше правилата додека возеше. Снимките од две камери во камионот покажаа дека во текот на четирите часа возење, тој сторил ниту повеќе ниту помалку туку дури 42 прекршоци.
59-годишниот возач поголемиот дел од времето го минуваше на својот мобилен телефон, често го одврзуваше појасот и го ставаше кога ја виде полицијата. Кога огладна и сакаше банана, едноставно ги тргна двете раце од воланот и полека ја излупи бананата. На крајот, тој, исто така, предизвика несреќа за која пред неколку дена беше осуден на три и пол години затвор.
