8.8 C
Скопје
23. септември 2021
Centar.mk – Вести, бизнис, забава, спорт…
Свет

Глад во Северна Кореја, воените резерви го покриваат недостатокот од храна

Северна Кореја ги ослободува итните воени резерви на ориз, бидејќи недостатокот на храна во земјата се влошува а топлотните бранови и сушите дополнително го комплицираат снабдувањето со храна во земјата.

Економијата на земјата долго време беше под закана поради пандемијата „Ковид-19“, и иако не се пријавени епидемии на глад и социјални немири, аналитичарите очекуваат понатамошно влошување на состојбата со храната во Северна Кореја до есенската жетва.

Јужнокорејската Национална разузнавачка агенција на состанокот на парламентарните комисии зад затворени врати објави дека Пјонгјанг дистрибуира ориз резервиран за воена употреба на населението што остана без храна, работници и рурални заедници, потврдија јужнокорејските парламентарци.

Според пратениците, НИС изјавила дека топлотниот бран и сушата ги уништиле оризот, пченката и други култури и предизвикале смрт на добиток во Северна Кореја, а оваа земја во просек има потреба од околу 5,5 милиони тони храна за 26 милиони луѓе.

Северна Кореја имаше сличен недостаток на храна во годините пред пандемијата, но тогаш нејзините потреби беа задоволени со шверц на ориз и други зрна преку пропустливата граница на земјата со Кина.

Постојаното затворање на границите на север поради пандемијата го направи таквото криумчарење крајно тешко во последно време, што го влоши овогодинешниот недостаток на храна.

Најновата проценка на јужнокорејското разузнавање доаѓа откако севернокорејскиот лидер Ким Џонг ун призна дека неговата земја се соочува со „најлошата криза“ поради пандемијата.

Можеби ќе ве интересира

Штрајк на лекарите во Нигерија: Гладот е полош од Ковид-19

M T

Ким Џонг-ун потврди дека земјата се соочува со сериозен недостиг од храна

M T