29.8 C
Скопје
5. август 2021
Centar.mk – Вести, бизнис, забава, спорт…
Свет

При пукање во Чикаго убиено 14-годишно момче

Во две неповрзани престрелки во Чикаго загина 14-годишник, а уште девет лица се повредени, објавија локалните медиуми.

Уште најмалку двајца тинејџери се во критична состојба и се наоѓаат во болница, пренесува полицијата.

Пет лица биле застрелани во првото пукање што се случило околу шест попладне. Пет минути подоцна на друга локација уште петмина биле застрелани во пукање на само три блока оддалеченост.

„Засега нема информации дека двете пукања се поврзани, но според првичните информации, полицијата смета дека не се“, изјави Ернест Като, заменик-началник на локалната полиција.

Оваа година во Чикаго се забележани 1.802 престрелки, што е зголемување од девет проценти во однос на минатата година и зголемување за 60 проценти во однос на 2019 година.

За време на првиот викенд во јули 92 лица беа застрелани, а 16 беа убиени. Минатиот викенд 56 лица беа застрелани, а 11 починаа.

Можеби ќе ве интересира

Пукање во Шведска, ранетите се во тешка состојба

M T