29.8 C
Скопје
5. август 2021
Centar.mk – Вести, бизнис, забава, спорт…
Свет

(Видео) Директор на болница во Тунис плаче затоа што нема повеќе кислород за болните

фото Pixabay/Илустрација

На социјалните мрежи се појави видео направено во Тунис, кое покажува колку е лоша епидемиолошката состојба во арапските земји.

На видеото, кое го пренесуват светските агенции, се гледа директорот на локална јавна болница во Матеура, кој плаче за време на телефонскиот повик во моментот кога добил информација дека нема да добие нови залихи на медицински кислород за своите пациенти.

Тунис, каде што бројот на заразени ги собори сите рекорди, се соочува со општ недостиг на кислород, а домашното производство не е во можност да одговори на значително зголемената побарувачка.

Во многу болници, резервите се при крај и се доволни само за неколку часа, што значи скоро сигурна смрт за многу пациенти кои се борат со пневмонија предизвикана од коронавирусот.

Тунис на тој начин се соочува со индиското сценарио, каде стотици луѓе починаа поради општ недостаток на кислород по што следеше најтешкиот удар од Ковид-19 пандемијата во таа земја.