Најмалку 189 луѓе загинаа, а стотици сè уште се водат за исчезнати по катастрофалните поплави што погодија големи делови на Западна Европа. Десетици илјади луѓе не беа во можност да се вратат во своите домови, а многумина се’ уште се без струја и вода за пиење.
Поплавата предизвикана од невидена количина на врнежи погоди делови од Западна Германија, Белгија и Холандија.
Неколку области низ јужна Холандија продолжија да се евакуираат откако реката Меза во саботата достигна нивоа што не е видено повеќе од еден век. Во Венло, град сместен веднаш на Меза, 10 000 луѓе мораа да ги напуштат своите домови.
Волонтерите и војската вчера наполнија вреќи со песок и градеа насипи, по што регионалната агенција за безбедност јави дека не се очекуваат поголеми поплави. Најмалку 158 луѓе загинаа во, како што рече германскиот претседател Франк-Валтер Штајнмаер, најголемата природна катастрофа на векот.
Во Германија водата се повлече за време на викендот, оставајќи пустош, кал и хаос зад себе, пишува Си-Ен-Ен.
