Европскиот центар за превенција и контрола на болести (ЕЦДЦ) објави дека до крајот на јули се очекува нагло зголемување на бројот на заболени од коронавирус.
Очекуваниот брз раст е поврзан со ширењето на многу заразната делта варијанта, која за прв пат беше идентификувана во Индија, но и со олеснување на мерките низ цела Европа.
Во областа опфатена со ECDC, која ги вклучува Европската унија, Норвешка и Исланд, се очекува инциденца од 420 случаи на 100.000 жители во последната недела од јули.
Минатата недела тој број беше 90, објави ЕЦДЦ.
Се додава дека во првата недела од август, инциденцата на 100.000 жители се очекува да се зголеми на повеќе од 620, а зголемувањето на хоспитализациите и смртните случаи се очекува, но да се забави, поради кампањата за вакцинација.
Во соопштението се наведува дека бројот на хоспитализации во повеќето земји останува стабилен, но тие очекуваат дека бројот на смртни случаи повторно ќе надмине 10 смртни случаи на милион жители.
