15.8 C
Скопје
29. март 2024
Centar.mk – Вести, бизнис, забава, спорт…
СВЕТТОП ВЕСТИ

Големи пожари во Калифорнија – водата испарува пред да го допре тлото на земјата

Пожарите се шират низ западниот дел на САД, кој е под влијание на топлотниот бран со рекордни температури во некои области, а пожарникарите имаат проблем со гаснењето на пожарот од авион, бидејќи водата испарува пред да ја допре земјата поради големата топлина.

Властите наредија евакуација на населението од погодените области, а пожарникарите се обидуваат да го изгаснат пожарот под исклучително тешки услови.

Во саботата, двајца пожарникари во Аризона загинаа кога нивниот авион се урна при обид да го изгасне огнот. Во Лас Вегас беше постигнат температурен рекорд од 47,2 степени.

Противпожарните екипи кои се борат со пожарот велат дека воздухот е толку сув што водата испуштена од авионот за гаснење на огнот испарува пред да ја допре земјата.

Жешкиот топлотен бран се приближува до рекордните температури трет ден по ред, па така во неделата во пустината Долина на смртта во Калифорнија беа забележани 54 степени, што беше едно од најтоплите места на планетата.

Термометарот пред центарот на Фрнас Крик покажа 56,6 степени во неделата околу 16,00 часот по локално време, додека во саботата Националната метеоролошка служба на САД измери 54,4 степени.

Спонзорирано:

Можеби ќе ве интересира

Пожар зафатил 10 ката од зграда висока 218 метри во Кина

M T

Пожар во југозападниот дел на Франција, зафатил четири куќи, стотици луѓе се евакуирани

M T

Најмалку осум загинати, седуммина повредени во пожар во изложбен салон за електрични скутери

M T

Пожар во караоке бар во Виетнам, најмалку 12 лица загинаа

M T

Опасен топлотен бран зафати дел од САД, 44 степени се најавени во Лос Анџелес

M T

Гори природен парк во Португалија, над 1.000 пожарникари го гаснат пожарот

M T