Дневниот број на потврдени случаи на инфекција со коронавирус во Русија надмина 25.000 трет ден по ред, објавија денес властите.
Според официјалните податоци, денес се евидентирани 25.033 нови случаи на инфекција со коронавирус.
Русија се соочува со нагло зголемување на инфекцијата во последните неколку недели, со тоа што дневниот број на новоинфицирани се зголеми од околу 9 000 на почетокот на јуни на повеќе од 25.000 во петокот.
За прв пат од почетокот на пандемијата, дневниот број на смртни случаи од коронавирус надмина 700 во вторникот. Оттогаш бројот на смртни случаи на ден остана на тоа ниво, а денес се евидентирани 749 смртни случаи.
Официјалните лица веруваат дека причината за овој скок на инфекција е новиот „делта сој“ на вирусот. Тие се обидуваат да ја зголемат стапката на вакцинација, што е помала отколку во многу западни земји.
До средата, околу 27 милиони Руси, или само 18,5 проценти од 146 милиони жители, примиле барем една доза на вакцина, а 18,5 милиони, или 12,6 проценти, биле целосно вакцинирани, со обете потребни дози.