Centar.mk – Вести, бизнис, забава, спорт…
Коронавирус Centar Мозаик

Најдолгата инфекција со корона некогаш забележана „Бев тестиран 42 пати и сопругата организираше погреб пет пати“

Британецот Дејв Смит (72) се разболе од корона вирусот на почетокот на првиот бран во Велика Британија. Меѓутоа, додека повеќето од нив го прележаа вирусот само по неколку недели, Смит имаше сосема поинаков вид на проблем – тој беше позитивен на вирусот 10 месеци.

Тoа е најдолгата активна инфекција со ковид-19, а во тој период, Дејвид бил 42 пати позитивен на тестот и бил примен во болница седум пати.

– Кога и да се влоши мојата состојба, буквално доаѓам до „вратата на смртта“ и морам веднаш да одам во болница. Мојата сопруга го организираше погребот пет пати. Ги повикав моето семејство и пријателите да се збогувам со нив, но сега би сакал да ја држам устата затворена – рече Смит.

Овој пензиониран инструктор за возење на крајот се излечи со коктел со антитела, кој исто така се користеше за лекување на Доналд Трамп и кој делува со блокирање на вирусот да не зарази нови клетки во телото. Состојбата на Смит била таква што лекарите можеле слободно да му даваат дури и непроверена терапија, освен ако не постои друг одобрен третман на кој одговорил.

– Нема голем број такви пациенти, веројатно не повеќе од неколку по болница. Некои од нив едноставно се разболуваат и умираат, но се чини дека други имаат ваков вид на болест, која постојано се враќа. Знаеме дека овие пациенти имаат мутации слични на оние што ги видовме во неколку варијанти. Тоа е теоретски ризик, но постои, поради што не треба да занемаруваме такви пациенти кога станува збор за терапија – изјави консултантот за инфективни болести Ед Морен.

Како и Смит, повеќето луѓе со постојани инфекции имаат ниско ниво на антитела кои го неутрализираат вирусот, или поради неодамнешниот третман со леукемија или поради наследна состојба што ги прави дисфункционални клетките што произведуваат антитела.
Смит се лекуваше од леукемија во 2019 година.

– Само што дознав дека сум излекуван од ракот, кога останав целосно исцрпен и без енергија. Го изгубив сетилото за мирис, кое сè уште не беше обновено. Јас не го направив Ковид тестот се до април, кога ме однесоа во болница, затоа што добив пневмонија – рече Смит.

Тој бил испратен дома откако зел антибиотици, но сепак се чувствувал лошо. Тој повторно беше хоспитализиран во јули, бидејќи беше многу слаб, а кога тестот повторно покажа позитивен резултат, претпоставката беше дека тој е повторно заразен, сепак, други тестови сугерираат дека станува збор за истата инфекција.

Иако инфекцијата се развиваше во неговото тело, здравствената состојба на Смит се подобри, а потоа непредвидливо се влоши.

– Во еден момент бев врзан за кревет два-три месеци. Мојата сопруга мораше да ме мие и да ме бричи, бидејќи едноставно не можев да станам. Понекогаш помислував како посакувам да ме немаше среде ноќ затоа што едноставно не можев да продолжам повеќе. Доаѓате до точка кога повеќе се плашите од животот отколку да умирате “, вели Дејв.

Затоа, тој се погрижи неговата сопруга да добие пристап до сите документи и банкарски картички, а таа наскоро започна да ги сортира и продава неговите предмети. Смит во еден момент контактирал и со роднини во Нов Зеланд за да се прости, додека другите членови самите го сториле тоа, доаѓајќи да го посетат во заштитно одело.

Пресвртницата се случи со споменатата терапија, регенерон, но немаше подобрување веднаш, туку по неколку недели.

– Навистина бев пресреќен кога и сварив шолја кафе на сопругата за прв пат по неколку месеци. Првпат можев да направам нешто за неа наместо таа за мене. 45 дена откако ги добив лековите, добив и негативен резултат. Отворивме шише шампањ што го чувавме, бидејќи во спротивно не пиеме, а целото шише сами го завршивме. Потоа ги поканивме сите да им соопштиме дека сум негативен – вели Смит.

Од тогаш, Дејв е во посета на семејството, на одмор и во Лондон, а во слободното време го учи својот внук да вози автомобил.

– Никогаш нема да бидам 100 проценти добро, бидејќи ковид ми ги уништи белите дробови, па прилично брзо останувам без здив. Но, секој ден што го живеам сега е бонус – заклучи Дејв.

Можеби ќе ве интересира

Докторите предупредуваат: Се појавија нови симптоми на Ковид-19, ако ги забележите добро е да се тестирате

CENTAR MKD

Можни проблеми со срцето и една година по блага инфекција со коронавирус, покажуваат истражувањата

M T

Коронавирусот и натаму коси, но во овие градови е најкритично

CENTAR MKD