Според зборовите на британскиот епидемиолог Тим Спектор, симптомите на коронавирусот се променија и тука веќе не се главни високата температура и губиток на чувството за мирис и вкус.
– Забележавме постојана кашлица како еден од покласичните симптоми на ковид-19 – рече Тим Спектор, пренесува „The Sun“, наведувајќи дека главоболка, течење на нос, болно или суво грло, кивање и кашлица во моментов се петте главни симптоми на ковид-19.
Според Тим Спектор, Делта мутацијата на вирусот предизвикува сосема различни симптоми во Велика Британија. Повеќе од една година, луѓето беа предупредувани дека губењето на чувството за мирис и високата температура се два клучни фактори кои укажуваат на тоа дека станува збор за ковид-19.
Наведено е дека ако сте под 40 години, најчести знаци на инфекција се главоболка, болки во грлото и течење на носот, а ако имате над 40 години, покрај главоболка и течење на носот, има и кивање.
– Во моментов, Ковид се однесува сосема поинаку и повеќе личи на настинка кај помладата популација. Тие дури и не знаат дека можеби имаат корона, затоа што се убедени дека станува збор за сезонски вирус. Но, тогаш тие излегуваат, се гледаат и вирусот се шири понатаму – рече професорот Тим Спектор.
