36.8 C
Скопје
23. јуни 2021
Centar.mk – Вести, бизнис, забава, спорт…
Centar Свет Во тренд...

Црна листа – нови имиња?

САД сè уште не објавија нови имиња во врска со декретот на претседателот Џо Бајден, изјави за Гласот на Америка портпаролот на Стејт департментот Нед Прајс.

Тој ова го рече рече дека одговарајќи на прашањето дали потенцијално нови луѓе ќе бидат на црната листа.

„Сепак, благодарение на декретот за моќ, ќе можеме да се справиме со најитните закани за стабилноста и напредокот на демократските институции“, рече Прајс.

Тој додаде дека „Соединетите држави се посветени на унапредување на демократијата, транспарентноста, отчетноста и демократското управување низ целиот Западен Балкан, во согласност со стандардите што државите мора да ги исполнат за да ја исполнат својата цел да напредуваат на европскиот пат“.

Претседателот Бајден издаде извршна наредба за замрзнување на имотот и забрана за влез на поединци во САД кои претставуваат закана за безбедноста и мирот на која било земја од Западен Балкан.

Санкциите ќе бидат применети и за оние лица кои, меѓу другото, се одговорни или вклучени во попречување на спроведувањето на Договорот од Преспа од 2018 година и Охридскиот рамковен договор од 2001 година.

Извршната наредба ќе вклучува и лица кои се директно или индиректно вклучени во корупција, злоупотреба на јавни средства, примање мито и слично.

На почетокот на јуни, администрацијата официјално ја прогласи борбата против корупцијата како клучна за националната безбедност на САД.

„Корупцијата претставува закана за американската национална безбедност, економската еднаквост, глобалната борба против сиромаштијата, развојните напори и самата демократија“, рече Бајден тогаш, додавајќи дека „ефикасната борба против корупцијата и демонстрирањето на нејзините придобивки, заедно со доброто управување може да обезбеди клучните придобивки за Соединетите држави и другите демократии”.