36.8 C
Скопје
23. јуни 2021
Centar.mk – Вести, бизнис, забава, спорт…
Свет

Големо невреме ја погоди Австралија

Големо невреме што ја погоди југоисточна Австралија скрши дрвја, заглавувајќи луѓе во автомобили и куќи.

Невремето предизвика прекини на електричната енергија во повеќе од 200.000 домови, од кои многу беа поплавени.

Временските непогоди што ги погодија австралиската држава Викторија и главниот град Мелбурн во средата донесоа ветрови од 119 километри на час и 20 сантиметри дожд на метар кубен, изјави метеорологот Кевин Паркин.

Како што ветерот се смири денес, ризикот од поплавување се зголеми од надојдените реки.

Втората по бројност држава во Австралија не е погодена од толку силен ветер од 2008 година, соопштија локалните власти.

Неколку главни патишта беа затворени поради големо количество вода, одрони и паднати дрвја.

Спасувачките служби добиле повеќе од 5.000 повици за помош, од кои 3.500 биле поврзани со дрвја што паѓале врз куќи или луѓе повикани затоа што биле заробени во домови.