36.8 C
Скопје
23. јуни 2021
Centar.mk – Вести, бизнис, забава, спорт…
Свет ТОП ВЕСТИ

Бајден: Не сакаме конфликт со Русија

Американскиот претседател, Џо Бајден, допатува во Милденхал, Велика Британија. Тој рече дека САД не сакаат конфликт со Русија, но дека ќе одговорат на силен начин на сите штетни активности преземени од руската влада.

На почетокот на неговата осумдневна турнеја низ Европа, што ќе вклучува присуство на самитот на НАТО и средба со рускиот претседател Владимир Путин, Бајден рече дека ќе ја потенцира цврстата посветеност на САД кон трансатлантскиот сојуз.

„Не сакаме конфликт со Русија“, рече американскиот претседател во говорот пред американските војници и членовите на нивните семејства во воената база во Милденхал.

„Ние сакаме стабилни и предвидливи односи…, но јас јасно кажав дека САД ќе одговорат на силен и смислен начин доколку руската влада се вклучи во штетни активности“, рече Бајден.