Со оглед на драстичниот пад на новозаразени од коронавирус, намалувањето на притисокот врз болниците во Македонија, се очекува уинување на полицискиот час од 15 јуни 2021 година.
Во моментов на сила е полициски час од полноќ до 4 часот наутро.
Според информациите се очекува Владата да одлучи и за олабавување на и другите мерки, како што се забраните за живи свирки и концерти, но сепак под посебни услови.
Филипче вчера појасни дека тоа се однесува пред се на полицискиот час и на препораките за организација на другите настани.
– Следниот состанок на Комисијата за заразни болести ќе биде пред 15 јуни, а дотогаш ќе работиме со организаторите на разни настани, концерти, тоа што се планира да се организира во текот на летните месеци за да се донесат соодветните протоколи, соопшти министерот за здравство Венко Филипче.
