Ангела Меркел вели дека дигиталните сертификати за вакцинација, кои ќе им овозможат на луѓето да патуваат во Европа и покрај пандемијата, најверојатно ќе бидат достапни пред летото.
„Сите се согласија дека ни треба дигитален сертификат за вакцинација“, рече Ангела Меркел на прес-конференција по самитот на ЕУ, што се одржува преку Интернет, пренесува Ројтерс.
Германската канцеларка додаде дека на Европската комисија ќе и требаат околу три месеци за да развие техничка основа за вакви документи.
Шефовите на држави и влади на Европската унија последен пат зборуваа пред четири недели. Стратегијата за вакцинација, сузбивање на мутации на вируси, ограничувања на патувања и потврди за вакцинација беа на дневен ред. На денешната видео конференција, темите се, како што е најавено, – потполно исти.
