Српскиот претседател Александар Вучиќ и премиерот Зоран Заев утре ќе извршат примопредавање на вакцините од Србија.
Како што соопштија од кабинетите на двајцата премиери, Заев ќе ја пречека делегацијата предводена од претседателот на Република Србија Александар Вучиќ на граничниот премин Табановце, со која ќе пристигне и првата пратка на вакцини против коронавирусот за имунизација на граѓаните на Македонија.
По работната средба на граничниот премин, премиерот Заев придружуван од министерот за здравство Венко Филипче и српскиот претседател Александар Вучиќ ќе дадат кратки изјави за медиумите.
Вучиќ пред околу еден месец ни понуди донација од 8.000 вакцини, но премиерот Заев рече дека вакцините ќе ги прифатиме и ќе ги платиме.
Спонзорирано:
