-2 C
Скопје
17. јануари 2021
Centar.mk – Дознај сѐ!
Коронавирус Свет

Во Русија повеќе од 26.000 новозаразени со Ковид-19

Pixabay / Илустрација

Руските власти пријавија 26.338 нови случаи на коронавирус, вклучувајќи 6.511 во Москва и 3.691 во Санкт Петербург.

Вкупниот број на случаи во Русија од почетокот на пандемијата се искачи на 2.295.654.

Во последните 24 часа од последици од Ковид-19 починале 368 лица, а досега, според официјалните податоци, починале вкупно 39.895 лица.

Во Москва е отворено едно од најголемите лизгалишта во Европа и покрај брзото ширење на коронавирусот во Русија, објави новинската агенција dpa.

Лизгалиштето од 20.000 квадратни метри е отворено во изложбениот и забавен парк ВДНХ, но со одредени ограничувања поради Ковид-19.

Во следните недели, московјаните ќе можат да лизгаат во многу други паркови во градот, но со нови правила: нивната температура ќе се мери пред да влезат во лизгалиштето и оние што имаат повисока температура нема да можат да влезат, а ќе биде задолжително да носат заштитна маска.

Москва воведе и други нови мерки на лизгалиштето за да спречи ширење на вирусот, вклучително и продажба на билети преку интернет и ограничување на бројот на лизгачи.