Не е точна информацијата која ја пренесоа неколку интернет портали.
Владата го демантираше текст на порталите Инфомакс, Курир, Република, Експрес, Весник, Нетпрес и Лидер, при што го отфрли како полн со невистини и дезинформации.
“Владата на Република Северна Македонија категорично демантира дека се прифатени сите барања на другата страна во македонско-бугарските односи, а целосна манипулација е информацијата дека “следува потпишување анекс на договорот”., се вели во соопштението на Владата, од каде и што додаваат дека “За манипулативната намера на овие текстови говори и фактот што некои од позициите изнесени во него се дел од Договорот за пријателство, добрососедство и соработка потпишан во 2017 година”.
Ваквите вести биле проширени на неколку медиуми блиски до опозицијата.
