13.8 C
Скопје
18. јуни 2021
Centar.mk – Вести, бизнис, забава, спорт…
Centar Македонија Анализа ТОП ВЕСТИ

Корона митинг на ВМРО ДПМНЕ – Околу 300 луѓе на едно место, додека имаме по 30-40 починати и 1000 новозаразени дневно

Околу 200-300 граѓани се насобраа на митингот на ВМРО ДПМНЕ кој го оддржа попладнево пред Владата, иако најави почитување на мерките, сепак на Мицкоски тоа не му успеа, бидејќи согласно законот групирање на повеќе од 4 лица е казниво и казната изнесува 500 евра.

Со ваквото грубо кршење на мерките за заштита од ковид 19, се става во опасност здравјето на присутните луѓе, но и поради ваквото хазардерство на елитата од Белата палата, може да настрадаат и индиректни контакти на овие насобрани граѓани, со оглед дека ковид 19 се пренесува од човек на човек многу лесно и не е препорачливо групирање.

Чудно е како Христијан Мицоски пред само неколку дена бараше полициски час со кој практично би требало да се ограничи движењето на луѓето, а денес организираше масовен корона-митинг со кој видливо се загрозува здравјето на граѓаните.

Покрај митингот речиси цело Скопје беше блокирано за сообраќај, бидејќи полицијата мораше да го обезбедува кордонот на возила од елитната ВМРО ДПМНЕ кои парадираа низ главниот град, во екот на месеци кога загадувањето е поголемо.

Засега е непознато дали некој ќе превземе одговорност за ваквото флагрантно кршење на здравствените закони.