Почина митрополитот црногорскo-приморски Амфилохије, потврди Митрополиjата на својата интернет-страница.
„В петок, 30 октомври 2020 година, во 8.20 часот утрото, во Клиничкиот болнички центар на Црна Гора, по приемот на светата тајна причест, се упокои архиепископот цетински, митрополит црногорско-приморски и егзарх на светиот престол на Пеќ, г. Амфилохије“, е објавено на интернет-страницата.
„Јавноста набргу ќе биде информирана за сите други детали во врска со погребот на митрополитот. Вечнаја памјат и Царството Небесно!“, се вели во соопштението.
Mитрополитот Амфилохије (82) од 6 октомври беше на болничко лекување поради тешкотии предизвикани од коронавирусот.
Вчера, медиумите јавија дека неговата здравствена состојба се влошила, односно дека дишел тешко и чувствувал болка во градите.
