Група медицински експерти за интензивна нега и биохемичари од болницата во Сантандер ја проучуваа улогата на витаминот Д во ранливоста на пациентите со Ковид-19 и дојдоа до драматични бројки.
Во студијата објавена во „Журнал за клиничка ендокринологија и метаболизам“ тие откриле дека недостиг на витамин Д е пронајден кај 82,2 процента од пациентите што имале тешки симптоми на вирусот.
Експертите го спровеле истражувањето поради дискусиите за улогата на витаминот Д или неговиот недостиг кај пациентите со Ковид-19.
Истражувачите од Сантандер откриле и дека луѓето со Ковид-19, кои исто така имале недостиг на витамин Д, имале поголема веројатност да имаат проблеми со висок крвен притисок и кардиоваскуларни болести.
Зошто витаминот Д има таков ефект врз одредени системи сè уште не е целосно јасно. Многуројни студии, сепак, покажаа дека овој витамин веројатно има навистина позитивно влијание врз имунолошкиот систем.
Студијата наведува дека пациентите со Ковид-19, кои имале недостиг на витамин Д, морало подолго да останат во болница од оние со нормално ниво на витамин Д.
Студијата заклучува дека врската помеѓу нивоата на витамин Д и сериозноста на болеста и следствено стапката на смртност на пациентите не е докажана, но дека постои силна статистичка врска помеѓу недостигот на витаминот Д кај болничките пациенти и должината на третманот.