Инспектори од криминалистичката полиција на МВР вечерва во Куманово приведоа полицаец од Скопје, кој барал пари од кумановска фирма лажно ветувајќи дека ќе сопре наводна истрага за фирмата, повикувајќи се на блискост со високи полициски функционери, објави Канал 5 телевизија, повикувајќи се на сови извори.
Полицаецот, според сознанијата на националната телевизија Канал 5, побарал 6000 евра за услугата, но на крајот се договориле за 2000 евра. Во меѓувреме, сопственикот на фирмата го пријавил случајот во полиција, од каде му биле дадени обележани пари, кои тој вечерва му ги дал на полицаецот-изнудувач. Лицето веднаш било уапсено.
Од МВР го потврдуваат случајот за Centar.mk. Повеќе информации се очекуваат за утрешниот ден.
Спонзорирано: