Стејт департментот и владите на Ерменија и Азербејџан во заедничко соопштение наведоа дека стапува во сила хуманитарно примирје во судирот помеѓу Ереван и Баку за Нагорно-Карабах.
Соопштението следува по состанокот во петокот помеѓу американскиот државен секретар, Мајк Помпео, и министрите за надворешни работи на Ерменија и на Азербејџан. Во меѓувреме, групата од Минск на ОБСЕ наведе дека шефоовите на дипломатијата на Ерменија и на Азербејџан ќе имаат нова средба на 29 октомри.
„Во текот на интензивните разговори копретседателите и министрите за надворешни работи разгледуваа спроведување итен хуманитарен прекин на огнот, посебен начин на контрола на прекин на огнот и клучните елементи на сеопфатно решение“, се наведува во соопштението од групата од Минск.
Претходните две примирја, постигнати со посредство на Русија, не успеаја. Двете страни меѓусебно се обвинуваа за нивното прекршување.
