7.8 C
Скопје
29. март 2024
Centar.mk – Вести, бизнис, забава, спорт…
фото Pixabay
КОРОНАВИРУСТЕМАСВЕТ

Австриски инфектолог: Секој од нас, порано или подоцна, ќе се зарази со коронавирус

Австрискиот инфектолог Франц Алербергер не верува дека коронавирусот ќе се искорени и верува дека секој од нас ќе се зарази порано или подоцна, но тој посочува дека станува збор за многу побезопасна болест отколку што се стравуваше пред десет месеци.

„Ќе останеме со овој вирус. Порано или подоцна, секој од нас ќе има Корона, освен ако не умре пред тоа”, рече Алербергер во изјавата за австриското радио „Oe3″.

Директорот на Одделот за јавно здравје на Агенцијата за здравје и безбедност на храна (АГЕС) очекува дека вакцината против коронавирусот ќе биде достапна уште во јули следната година.

фото Pixabay

„Се обложувам дека нема да има лек, бидејќи сите лекови протв вируси може да се избројат на прстите од едната рака“, подвлече тој.

Алербергер вели дека вирусот корона е побезбедна болест отколку што се стравуваше пред десет месеци, кога се сметаше дека стапката на смртност е 30 проценти.

Тој се осврна на студија на Универзитетот Стенфорд, според која стапката на смртност е 0,23 проценти.

„Таа вредност одговара и на нашите податоци“, потенцира водечкиот австриски инфектолог.

илустрација / Pixabay

Во исто време, тој предупредува дека, иако во моментов се полни само 7% од установите за интензивна нега во австриските болници, треба да се има предвид дека 90% од Австријците можат да се разболат и дека не треба да се потценува уделот на луѓе над 65 години, бидејќи смртноста е јасно поголема од сезонски грип.

Тој исто така предупреди на влошување на состојбата во текот на зимата.

„Мора да бидеме внимателни да не доживееме изненадување во негативна смисла. Ако имаме 4.000 или 5.000 нови инфекции на ден, мора да сметаме дека медицинските капацитети ќе бидат на нивните граници, дека ќе има смртни случаи во домовите за стари лица, а политичарите ќе бидат изложени на огромен притисок.Во принцип не можеме да спречуваме одделни смртни случаи, но можеме да го забавиме нивниот тек“, рече Алербергер, додавајќи дека врвот на инфекцијата на Ковид-19 го очекува во декември или јануари.

фото: илустрација/Pixabay
Спонзорирано:

Можеби ќе ве интересира

Заедно заштитени-вакцините делуваат – Караванот за информирање и вакцинација ќе посети 24 локации низ земјата

M T

Регистрирани се 81 новозаразени со коронавирус, нема починати лица

M T

Нов Зеланд ги укинува скоро сите мерки за Ковид-19

M T

Почнува вакцинација со четврта доза против Ковид-19

M T

Катедралата во Вашингтон ѕвонеше за милион смртни случаи од Ковид-19

M T

Стејт департментот им нареди на вработените во американската влада да го напуштат конзулатот во Шангај

M T