Шпанските провинции Кастилја и Леон и Валенсија побараа од владата денеска во Мадрид да воведе ноќен полициски час.
Властите во последните денови не успеаја да се договорат за мерките за контрола на коронавирусите низ целата земја.
„Ние сакаме тоа да се случи денес, а не утре“, рече регионалниот лидер на провинцијата Кастилја и Леон, Алфонсо Фернандез Мануеко, кој побара полициски час и вчера.
Тој на заедничката прес-конференција со шпанскиот министер за здравство, Салвадор Илја, посочи дека „вирусот не разбира административни граници или различни политички позиции“, пренесува Гардијан.
Шпанските провинции имаат висок степен на автономија и во голема мерка се одговорни за одговор на пандемијата, но воведувањето ограничувања на слободата на движење, како што е полицискиот час, бара одлука на централната влада.
Шпанската влада е за воведување полициски час, но ја одложи таа одлука откако регионите во Мадрид и Баскија се спротивставија.