15.8 C
Скопје
29. март 2024
Centar.mk – Вести, бизнис, забава, спорт…
КОРОНАВИРУСТЕМАСВЕТИЗБОР

Зошто вториот бран на коронавирусот е помалку смртоносен: Научниците имаат доказ и повеќе теории

Вториот бран на коронавирус, кој моментално ја погодува цела Европа, е помалку смртоносен од првиот во пролетта, а пациентите се со помала веројатност дека ќе завршат во болница.

Бројот на пациенти кои треба да бидат хоспитализирани, како и стапката на смртност од Ковид-19, во моментов расте со пониска стапка отколку во пролетта, покажала анализата на „Фајненшл тајмс“, врз основа на податоците на здравствените институции.

Болниците не се исполнети како во март и април, иако бројот на откриени случаи е поголем.

„Во Западна Европа, скоро секоја земја има пониска стапка на смртност отколку во пролетта“, изјавил Марк Вулхаус, професор по инфектологија и епидемиологија на Универзитетот во Единбург.

Бројот на смртни случаи во однос на откриенite(case fatality rate, CFR) опаѓа и може да се објасни со поголем број тестови, но и со фактот дека се заразени поголем број на помлади луѓе.

Сепак, дури и пациентите кои се на интензивна нега сега имаат поголема веројатност да преживеат отколку во првиот бран на пандемијата.

Податоците на британскиот Национален центар за интензивна нега покажуваат дека процентот на оние кои починале во рок од 28 дена по приемот на интензивна нега, паднал од 39 проценти, колку што беше до 31 август, на 27 проценти, како што започна на 1 септември.

Зголемување на шансите за преживување на пациентите на интензивна нега најдобро се гледа кај лицата на возраст под 70 години. Тоа скокнало од 61 на 79 проценти кај луѓето на возраст меѓу 50 и 69 години и од 82 на 91 процент кај оние на возраст под педесет години.

Подобрување се забележува кај пациентите кои имале различен степен на сериозност на болеста, вклучително и кај оние со хронични здравствени проблеми или со многу ниско ниво на кислород во крвта.

Пол Хантер, професор по медицина на Универзитетот во Источна Англија, смета дека половина од подобрувањето е резултат на употребата на стероиди кои го намалуваат воспалението и прекумерната реакција на имунитетот.

„Останатото најверојатно се должи на искуството на лекарите и медицинскиот персонал кои научиле каков третман треба да користат пациентите“, вели тој.

Питер Опеншау, професор по експериментална медицина на Империјал колеџот во Лондон, има слично објаснување.

„Луѓето научија многу мали трикови кои, кога се комбинираат, прават голема разлика по некое време“, тврди тој.

И возрасната граница на пациентот е променета. На возраст над шеесет години, според податоците од 44 земји објавени од Меѓународната асоцијација за борба против тешки воспалителни белодробни заболувања, сочинувале 70% од хоспитализираните во февруари. Сепак, во август, имало помалку од половина од нив.

фото: илустрација/Pixabay

Сепак, подобра прогноза не е само резултат на промените во структурата на возраста на пациентите. Смртноста над 60-годишна возраст кои биле хоспитализирани паднала од 50% во раната пролет на 25% во август.

Гидеон Мејеровиќ Кац, епидемиолог на Универзитетот Волонгонг во Австралија, вели дека една од причините е што при првиот удар на короната, многу луѓе биле тестирани доцна и доцна пристигнале во болниците, додека сега се тестираат и на првите знаци на инфекција.

Спонзорирано:

Можеби ќе ве интересира

Заедно заштитени-вакцините делуваат – Караванот за информирање и вакцинација ќе посети 24 локации низ земјата

M T

Нови 75 позитивни на коронавирус, пријавени се 2 починати лица

M T

Регистрирани се 81 новозаразени со коронавирус, нема починати лица

M T

МРАЧНО истражување – Еве што (најверојатно) ќе ги уништи луѓето

M T

Нов Зеланд ги укинува скоро сите мерки за Ковид-19

M T

Објавени нови истражувања за потеклото на коронавирусот

M T