Во вторник на Владина седница ќе се најдат дополнувањата на предлозите за рестриктивни мерки поради коронавирусот, кои во понеделникот беа тема на состанокот на Комисијата за заразни болести.
Како што веќе објавивме, најстрогата мерка ќе биде затворањето на сите економски субјекти по 23 часот.
Ќе биде донесена мерка и за намален капацитет за 50 отсто во јавниот превоз, но и администрацијата да работи онлајн или во две смени.
Овие одлуки ќе бидат донесени на денешната владина седница, а истовремено на брза лента во Парламентот треба да бидат озаконети претходниот сет мерки, со кои ќе биде забрането групирање на повеќе од четири лица по 22 часот, задолжителното носење на заштитна маска на отворено, забраната за групирање, забрана на загрупирање на повеќе од 4 лица во домови, забрана за организирање на слави, прослави и родендени…
Ваквите мерки доаѓаат по рекордниот број на новозаразени во изминатата седмица на ниво на целата земја.
Во понеделникот министерот за здравство Венко Филипче на прес конференција соопшти дека доколку овие мерки не дадат резултат, ќе се размислува за враќање на полицискиот час.
