15.8 C
Скопје
29. март 2024
Centar.mk – Вести, бизнис, забава, спорт…
КОРОНАВИРУССВЕТ

Нова студија: Ризикот од изложеност на коронавирус во авионите е многу мал

Ризикот од изложеност на коронавирус во авионите е многу мал, покажа студија објавена од Министерството за одбрана на САД, што е позитивен знак за авионската индустрија, која е силно погодена од последиците од пандемијата.

Според таа студија, спроведена во авиони „боинг 777“ и „767“ на „Јунајтед ерлајнс“, за патник со маска ризикот лебдечки честички да влезат во областа на дишните патишта во просек е 0,003 проценти, и тоа во полн авион.

Студијата предвидувала услови во кои било заразено само едно лице во авионот и не земајќи ги предвид можните движења на патниците во кабината.

Студијата утврдила дека маските помагаат во минимизирање на изложеноста на зараза кога некој кашла, дури и во соседните седишта. Благодарение на брзата циркулација на воздухот, системите за вентилација и филтрација, околу 99,99 проценти од честичките се филтрираат надвор од кабината во рок од шест минути.

„Овие податоци значат дека речиси нема шанси да бидете изложени на ризик од зараза во авион на ‘Јунајтед’, дури и ако вашиот лет е полн“, рече директорот на службата за корисници на „Јунајтед“, Тоби Енквист.

Студијата понатаму проценува дека за да биде изложен на зараза, патникот ќе мора да помине 54 часа во авион заедно со заразено лице.

Шестмесечното истражување опфатило 300 теста спроведени на 38 часа лет и 45 часа тестирање на земјата. Се засновало на прскање честички со големина на новиот коронавирус низ целата кабина опремена со сензори наместо со луѓе.

Спонзорирано:

Можеби ќе ве интересира

Еве зошто повеќето авиони се претежно бели

M T

Три деца се меѓу 13-те загинати откако руски воен авион се урна во дворот на зградата

M T

Нови 75 позитивни на коронавирус, пријавени се 2 починати лица

M T

Милановиќ: Кога Бајден ќе лета со комерцијален авион, тогаш и јас ќе летам

M T

Што можете, а што не можете да понесете со себе од авионот – Еве што земаат патниците како сувенири

M T

Се урна авион во САД, едно лице загина, девет се водат за исчезнати

M T