Вакцината против коронавирусот, што ја развива Институтот за биолошки производи во Пекинг на првиот и средниот тест врз луѓе, се покажа дека е добра и дека предизвикува имунолошки одговор, соопштија истражувачите.
Потенцијалната вакцина BBIBP-CorV веќе е одобрена за програма за итни случаи наменета за работници и други ограничени групи на луѓе што се соочуваат со висок ризик од инфекција, пренесува „Ројтерс“.
Како што се наведува, дали успешно ги штити луѓето од инфекција, ќе се дознае по третата фаза на тестирање, која е во тек.
Оваа вакцина е една од најмалку 10-те во светот што влегоа во третата фаза на тестирање, а четири беа направени од кинески научници.
Вакцината BBIBP-CorV не предизвикала несакани ефекти, туку само вообичаени благи реакции и треска, како и болка на местото каде што е примена вакцината.
Во првите две фази од истражувањето, спроведено помеѓу април и јули, учествувале 600 здрави возрасни лица.
