Бројката на новозаразени од корнавирусот во цела Европа, во земјите од регионот и кај нас континуирано расте во есенскиот бран на пандемијата, велат од владејачката партија кога вчера во земјата беа пријавени рекордни 445 новозаразени, но и 9 починати.
Од партијата порачуваат дека најдобра и најефикасна заштита на личното и јавното здравје е почитувањето на ковид-протоколите, носењето маска, одржувањето дистанца и редовна дезинфекција.
„Не смееме да дозволиме нашиот здравствен систем да не биде во состојба да не може му овозможи нега секому кому тоа тоа му е потребно затоа што капацитетите се искористени“, се наведува во соопштението.
Во него се потсетува и дека заради поголема заштита на јавното здравје, Владата усвои нови мерки, кои ќе стапат во сила кога ќе се усвојат законските измени во Собранието.
„Состојбата со коронавирусот е многу сериозна, а во која насока ќе одиме и колку бргу ќе се стабилизира овој удар на вирусот, зависи од однесувањето на граѓаните и почитувањето на сите мерки и протоколи“, порачуваат од СДСМ додавајќи дека носењето маска, одржувањето дистанца и редовната дезинфекција, се клучните три работи што треба да ги почируваат граѓаните како превентивни мерки.