Полска денеска објави нови ограничувачки мерки за спречување на ширењето на пандемијата на коронавирусите.
Мерките вклучуваат ограничување на работата на баровите и рестораните, спортски настани и работење на училиштата во некои области, што постави нов дневен рекорд за бројот на новозаболени.
“Ги повикувам сите постари луѓе да останат во своите домови. Ние ќе ја добиеме оваа битка, но само ако останеме обединети и одговорни”, рече премиерот Матеуш Моравиецки на прес-конференција.
„Денес се враќаме на основните препораки од пролетта: останете дома“, рече тој за време на видео-обраќањето.
Спортските настани ќе се одржат без присуство на публика, ќе бидат затворени спортски сали и базени, а училиштата во црвените зони каде е најприсутен коронавирусот, ќе предаваат на Интернет, пренесува Ројтерс.
Втор ден по ред, Полска објави рекордни 8.099 нови случаи на инфекција со коронавирус, покажуваат податоците на Министерството за здравство објавени на Твитер.
Земјата со 38 милиони жители досега има забележано 149.903 потврдени случаи на коронавирус и 3.308 смртни случаи.
