„Не исклучувам дека ќе има 1.000 заразени на ден.” Хрватскиот министер за здравство Вили Берос ја опиша состојбата со коронавирус во Хрватска како загрижувачка, откако беа пријавени нови рекордни 748 случаи на коронавирус.
“Ситуацијата е загрижувачка, но не е изненадувачка. Околностите во изминатиот месец, како и околностите во Европа и светот, укажуваат на тоа дека бројот на новоинфицирани расте насекаде, како и во Хрватска”, изјави Берос за РТЛ.
Тој додаде дека поголемите собири на луѓе во последниот месец создадоа некои жаришта што предизвикаа такво зголемување.
“Покрај тоа, постои студено време и фактот дека сме повеќе во затворени простории и тоа влијаеше на зголемувањето на бројот на заразени лица. Ќе има уште повеќе заразени лица, затоа треба да се однесуваме одговорно и да ги почитуваме мерките”, рече министерот.
Тој не ја исклучи можноста секој ден да има повеќе од илјада заразени лица во Хрватска.
“Можно е бројот на нови инфекции да се зголеми во наредните денови. Сепак, особено е важно да разбереме дека треба да се однесуваме одговорно, самодисциплинирано и сериозно и да ги почитуваме мерките што ги препорачавме. Ако не сме одговорни, ако се дружиме, бројките ќе растат и понатаму “, рече Берос.
