Филијалата „Јансен“ на американската фармацевтска компанија „Џонсон и Џонсон“ денес ја започнува втората фаза на тестирање на вакцината против Ковид-19 во Шпанија.
Оваа студија е дел од истражувањето што ќе се одржи во следните два месеци, освен во Шпанија и во Холандија и Германија.
Истражувањето ќе опфати вкупно 550 лица.
Од компанијата во март порачаа дека во производствените капацитети сакаат да направат повеќе од милијарда дози вакцина против Ковид-19. Од седиштето тогаш соопштија дека тестирањето ќе почне од септември, а се очекува производот да биде спремен за употреба на почетокот од следната година.
