За прв пат по повеќе од 4 месеци, вчера беа регистрирани рекордно низок број на заразени лица од коронавирус, и тоа само 11 лица.
Според информациите на здравствените власти, за да се добие оваа бројка на заразени, биле направени 450 тестирања, што процентуално доаѓа 2.44% позитивни од вкупниот број тестирани. Претходно, низ летниот период, имаше денови кога процентот на заразени од бројот на тестирани надминуваше и 15 отсто, а ретко паѓаше под 10 отсто.
Доколку продолжи ваквиот тренд во следните 10-тина дена, Македонија ќе излезе од високоризичните земји.
Новите 11 случаи според градови: Скопје-3, Куманово-1, Тетово-1, Гостивар-1, Гевгелија-1, Крива Паланка-1, Берово-1, Виница-1, Делчево-1.
Девет пати повеќе оздравени, отколку новозаразени
За прв пат соодносот на оздравени и новозаразени е речиси девет пати повеќе оздравени.
Вчера биле регистрирани 95 оздравени лица.
Во Македонија вкупната бројка на ковид дијагностицирани од почетокот на епидемијата изнесува 14341, бројката на оздравени пациенти, пак е 11157, на починати е 603, а во моментов бројот на активни случаи во земјата изнесува 2581.
Дали овој тренд ќе продолжи останува да видиме.
